Starv leyst á Fiskaaling

Vinnugranskari til Fiskaaling Søkt verður eftir vinnugranskara til eitt av granskaratoymum okkara. Í toyminum "Framleiðslumenning" verður arbeitt við ymsum verkætlanum, í tøttum samstarvi við føroyskar alarar, djóralæknar, fóðurframleiðara og føroyskar og útlendskar granskingarstovnar. Í løtuni verður m.a. arbeitt við at fáa betur innlit í avbjóðingarnar í alivinnuni, ið standast av laksa- og seiðalús. Í hesum sambandi verður søkt eftir granskara at taka lut í hesum arbeiði, eins og øðrum verkætlanum. Arbeiðsstaður verður við Áir og Nesvík. Løn er eftir galdandi sáttmálum. Møguleiki er fyri framhaldandi útbúgving. Sí annars www.fiskaaling.fo. Førleikar • tú hevur viðkomandi útbúgving,   universitetsútbúgving í lívfrøði ella líknandi • tú hevur góð samstarvsevni • tú ert nýhugsin og ágrýtin • tú dugur at samskifta á enskum Nærri upplýsingar Meiri fæst at vita um starvið við at venda sær til Øystein Patursson á tel. 214787, ella Kristian Petersen, stjóra, á tel. 214747. Umsókn við avritum og møguligum ummælum, skal sendast til: P/F Fiskaaling, við Áir, FO-430 Hvalvík. ella til: fiskaaling@fiskaaling.fo Freist Umsóknin skal vera okkum í hendi í seinasta lagi 11. november 2011. Allar umsóknir verða viðgjørdar í trúnaði. 　 Sí lýsing her