Ernst S. Olsen, Jóhanna L. Køtlum, Annette S. Davidsen

Fyrisiting

Stjórin

Jóhanna Lava Køtlum varð settur stjóri á P/F Fiskaaling í 2016. Jóhanna hevur eina kandidatútbúgving frá Tromsø Universitet/Aarhus Universitet, umframt eina Masterútbúgving í Umhvørvismeting frá Universitetinum í Aalborg. Hon hevur áður arbeitt sum málsviðgeri hjá Heilsufrøðiligu Starvsstovuni, deildarleiðari og stjóri á Umhvørvisstovuni og deildarleiðari á grønlendska fiskimálaráðnum í Nuuk.

Stjórin á Fiskaaling hevur ábyrgd fyri fakliga, strategiska og fíggjarliga raksturin av Fiskaaling. Hon hevur somuleiðis ábyrgd fyri øllum innanhýsis viðurskiftum í sambandi við virksemi, ognir, sambond við myndugleikar og vinnuna, umframt starvsfólkamál.

 

Skrivstovan

Skrivstovan hevur ábyrgd fyri eini røð av innanhýsis tænastum umframt samband við uttanhýsis partar.

Uppgávurnar umfata vanliga móttøku av vitjandi og annað samband, sum verður tikið til Fiskaaling. Aðrar uppgávur umfata:

  • Eftirkanning av lúsatølum í Aliskipanini og hjá Fiskaaling.
  • Eftirlit og umsiting av almennum krøvum og góðkenningum.
  • Starvsfólkaførleikar og fyriskipan av skeiðum.
  • Avtalur og samskifti við veitarar.
  • Innkeyp til fyritøkuna.
  • Skrivari í trygdarbólkinum.

Skrivstovan samskipar eisini tiltøk og uttanhýsis sambond, so sum luttøka í ymiskum verkætlanum, og fyriskipan av ráðstevnum og tiltøkum. Uppgávur umfata:

  • Røkja heimasíðu, kunning og tíðindaflutning.
  • Limaskapur í EURAXESS.
  • Menningarsamstarv

Skrivstovan hevur eftirlit við ognir felagsins, so sum bygningar, tól og flutningsfør, soleiðis at neyðugt viðlíkahald, dagføringar og umvølingar verða framd.

 

(leinkja til Jóhannu, Annette, Ernst, Gunnar og Sólrun)